OUR GURUJI

Our first association with Guruji was in 1965 when we attended a bhajan in Kaka nagar, Delhi. Before this we were not very keen on this form of devotion, being a Ramakrishna devotee where silent meditation and peaceful atmosphere is what was stressed and practiced. After attending one bhajan and seeing the way Guruji took all those present there to another world, we were mesmerized. This was our turning point.

We had the first bhajan in our house in Dec 1966 in RK Puram, Delhi. There was no looking back since then. We tried not to miss any bhajan in Delhi and took active part in organizing several functions.

Classes started later and we gradually went deeper into this movement. What appealed most was his simplicity, discipline, eye for every detail and the abject surrender to Lord Muruga.

We have seen him go through difficult times – handling them with composure. In 1983 for the sixth centenary function Guruji used to come to our residence every single day, to plan and execute all aspects of the activity.

We moved to Chennai in 1983 and had the ‘bhagyam’ of hosting Guruji on several occasions. Following Guruji’s principles and pursuing perfection has been our continued efforts since then.

We have had several well wishers in this journey which has helped expand the Thiruppugazh family. We moved to Hyderabad in 2000 and have continued our efforts to spread this movement.

டெல்லி அன்பர் என் .ராமமூர்த்தி அவர்கள்சொல்லவொண்ணா தன்னுடைய நினைவலைகளை தன் கை வண்ணத்தில் முத்து முத்தாக எழுதி தற்போது அன்பர்களுடன் பகிர்ந்து கொள்கிறார்.

அதில்,குருஜி செந்திலாண்டவன் உத்திரவின் படி,உணர்த்திய படி பாடல்கள் அமைந்தது,வகுப்பு வழிபாடு அனுபவங்கள்,காரில் செல்லும் போதே பாடல்கள் அமைத்தது,பத உச்சரிப்பு,எப்படி பத அர்த்தங்களுக்கு ஏற்ப ஏற்றி இறக்கி பாடுவது,தாள நுணுக்கங்கள்,நிர்வாகத்தில் கணக்கு வழக்கு,நிதானம்,பொறுமை,சங்கீதம் அறியாத அன்பர்களை ராகங்களுடன் பாட வைத்தது.

'நம் குருஜி அவர்கள் வெளிநாடுகளில் திருப்புகழைப் பரப்புவதற்கு மேற்கொண்ட முதல் வெளிநாட்டுப் பயணம் 1980ஆம் வருடம் செப்டம்பர் மாதத்தில் அவரது லண்டன் விஜயமேயாகும். அந்தப் பயணத்தின் பூரா விவரங்களும், அப்பொழுது குருஜி அவர்கள் விசேஷமாக எடுத்துக்கொண்ட முயற்சிகள், அவைகளுக்கு கிடைத்த வரவேற்பு பற்றிய விவரங்களும் குருஜியுடன் சென்ற அவரது முன்வரிசை சீடர்களில் ஒருவரான ஜி. கிருஷ்ணன்(திருப்பு கழ் அன்பர்கள் எல்லோராலும் 'ஜிக்கி' என்று அழைக்கப்படுபவர்) எழுதியுள்ளார்.

இன்று காலை எங்களை வெளியே அழைத்துச் செல்வதற்காக இலண்டனில் படித்து இங்கேயே ஒரு பல்கலைக் கழகத்தில் ப்ரொபஸராகப் பணிபுரியும் டாக்டர் ஆறுமுகம் என்பவர் வந்தார்கள். அவருடைய காரில் இலண்டனருகிலுள்ள புகழ் பெற்ற “வின்ட்ஸர் காஸில்” (Windsor Castle) என்ற ராஜ அரண்மனைக்கு அழைத்துச் சென்றார், அரண்மனைக்குள் நுழையு முன் St. George Chapel என்ற ஆலயத்திற்குச் சென்றோம். மிகவும் புராதமான இந்த ஆலயத்தை மிகவும் நன்றாகப் பேணி வருகின்றனர். “Here Lieth” பல இருக்கின்றன. காலதேச வர்த்தமானங்களை உத்தேசித்து வீட்டிற்குத் திரும்பிய பிற்பாடு நாங்கள் குளிக்கவில்லை. ஆலயத்தைப் பார்த்த பிறகு அரண்மனையைக் காணச் சென்றோம். மிகவும் நேர்த்தியான பொருட்கள் இருக்கின்றன. காலதேச வர்த்தமானங்களை உத்தேசித்து வீட்டிற்குத் திரும்பிய பிற்பாடு நாங்கள் குளிக்கவில்லை. ஆலயத்தைப் பார்த்த பிறகு அரண்மனையைக் காணச் சென்றோம். மிகவும் நேர்த்தியான பொருட்கள் பல வைத்திருக்கின்றனர். வருடத்தில் சில மாதங்களை இங்கு கழிக்கின்றனராம் இங்கிலாந்து ராணி. இதன் காரணமாக இங்கு வைத்திருக்கும் பொருட்களைப் பார்க்கும்பொழுது அவைகள் பழைய காலத்தைச் சேர்ந்தவைகளாக இருந்தாலும் அவற்றைப் புதுப்பொலிவுடன் விளங்கும்படியாக நேர்த்தியாகக் காத்து வருகிறார்கள். ஆங்கிலேயர் ஆதிகாலத்துப் பொருள்கள், கலை முதலியவற்றில் அதிக ஆர்வம் எடுத்துக்கொண்டு அவை அழிந்து போகாமல் காத்து வருகின்றனர்.

மதிய உணவை வீட்டிலேயே தயாரித்துக் கொண்டு எடுத்துக் கொண்டு போனோமோ பிழைத்தோமோ! உணவுச் சாலைகளில் உணவுப் பொருள்களின் விலை நம் நாட்டைவிடப் பன்மடங்கு. ஒரு பென்ஸின் மதிப்பு இன்றைய நாணய மாற்று விகிதப்படி கிட்டத்தட்ட 20 பைசா. இது நம் பக்கத்து “அன்னபூர்ணா” ஹோட்டல் போன்ற சிற்றுண்டி சாலைதான்.

மாலை வழிபாட்டில் ஈடுபட்டோம்

ஸ்ரீ கணபதி டிரஸ்ட் வழக்கமாக ஒவ்வொரு வெள்ளிக் கிழமையிலும் வழிபாடு நடத்தி வரும் A.T.C. ஹாலுக்கு அழைத்துச் செல்லப்பட்டோம். அங்கே விநாயகரின் விக்ரஹத்திற்கு திரு. வெங்கடராமன் அபிஷேகம், அருச்சனை செய்து பூஜை செய்தார். அபிஷேகம் நடக்கும்பொழுது விஷ்ணு சஹஸ்ரநாமம், கந்தர் அநுபூதி, ருத்ர சமக மந்திரங்கள், போற்றிகள் முதலியன சொல்வது வழக்கமாக இருந்து வருகிறது. அந்த முறையில் இந்த வெள்ளிக்கிழமையன்று நாங்கள் கந்தர் அநுபூதியும், சீர்பாத வகுப்பும் பாராயணம் செய்தோம். முடிவில் குருஜி அவர்கள் சில திருப்புகழ் பாடல்கள் பாட அன்றைய நிகழ்ச்சி முடிவுற்றது.

இன்று காலை இலண்டனில் நமது இந்திய ஹை கமிஷனில் முதல் செகரட்டரி (First Secretary)யாகப் பணி புரிந்து வரும் திரு. என். வி . ராமன் அவர்கள் எங்களைத் தன்னுடைய இல்லத்திற்கு மதிய உணவிற்காக அழைத்துச் சென்றார். அங்கு அவருடைய பெண்ணும், மாப்பிள்ளையும் வந்தனர். அவருடைய மாப்பிள்ளை திரு. சயிலேந்திர வியாகரணம் என்பவர் எங்களை இலண்டனிலுள்ள மிகப் புராதனமான ஏழாம் நூற்றாண்டில் (604 ஆம் வருடம்) உருவாகிய செயின்ட் பால் (St. Paul) தேவாலயத்திற்கு அழைத்துச் சென்றார்.

இந்தத் தேவாலயத்தைக் கண்டு களித்த பின் திரு. ராமன் இல்லத்திற்கு மதிய உணவிற்காகத் திரும்பினோம். உணவு உட்கொண்ட பின் திரு. ராமன் அவர்களிடமிருந்த ஒலிப்பதிவு செய்யப்பட்ட சில பாடல்களைக் கேட்டு மகிழ்ந்த பிற்பாடு திரு. சதாசிவத்தின் வீட்டிற்குத் திரும்பினோம் .

இன்று மாலை விநாயக சதுர்த்தியை முன்னிட்டு ஏற்பாடு செய்யப்பட்டிருந்த விசேஷ பூஜையில் பங்கெடுத்துக் கொள்ள சிட்னி பிளாக் ஹால் (Sydney Black Hall) என்ற கூடத்திற்குச் சென்றோம். விநாயகப் பெருமானுக்கு விரிவாகப் பூஜை செய்யப்பட்டது. அலங்காரம் நடந்து கொண்டிருக்கும் சமயத்தில் குருஜியை சில பாட்டுக்கள் பாடும்படிக் கேட்டுக் கொண்டனர். அதற்கிணங்க திரு. சுப்பிரமணிய பாரதியாரின் பாடலான “முருகா, முருகா, முருகா வருவாய் மயில் மீதினிலே, வடிவேலுடனே வருவாய்” என்ற பாடலை குருஜி அவர்கள் பாடினார்.

பூஜை முடிந்து நாங்கள் திரு. வெங்கட்டராமனின் இல்லம் ஏகினோம். இன்று இரவு முதல் நாங்கள் மீண்டும் டில்லிக்குப் புறப்படும்வரை நாங்கள் தங்குவதற்கு திரு. வெங்கட்டராமனின் வீட்டில் ஏற்பாடாகியிருந்தது. திரு. வெங்கட்டராமன் Defence Account Depatmentஐச் சேர்ந்தவர். இலண்டனின் இந்திய ஹை கமிஷனில் வேலை பார்த்து வருகிறார்.

இன்று காலையில் திரு. வெங்கட்டராமனுடன் இந்திய ஹை கமிஷனர் அலுவலகமான India House சென்றோம். அங்கே திரு. என்.வி ராமன் அவர்களையும், திரு எம். வரதராஜன் அவர்களையும் சந்தித்தோம்.

மதியம் Oxford University காண Oxford நகரத்திற்குப் புறப்படத் தயாரானோம். வழியில் ஸ்டரட்போர்ட் (Stratford) என்ற இடத்தில் உலக மகாகவி ஷேக்ஸ்பியரின் வீட்டையும் கண்டோம். பிறகு பர்மிங்ஹாம் நகரிலுள்ள ஸ்ரீ கீதா பவன் மந்திரில் முருகனுக்கென்று ஒரு சந்நிதி ஏற்படுத்த வேண்டுமென்று குருஜி அவர்கள் வற்புறுத்திக் கூறி, அதற்கான ஏற்பாடுகளைச் செய்ய வைத்தார். இது குருஜி அவர்கள் வெளிநாட்டில் செய்த மகத்தான தொண்டு.

இன்று மீண்டும் இலண்டன் மா நகரில் சில முக்கியமான இடங்களையும், பிரசித்தமான கடைகளையும் காணச் சென்றோம். இலண்டனில் மிகவும் பிரசித்தமான கடைவீதி ஆக்ஸ்போர்ட் வீதி (Oxford Street) என்பதாகும்.

இந்தக் கடையில் எங்களை பிரமிக்க வைத்தது நறுமணம்தான். பலவகையான வாஸனைப் பொருட்கள், வாசனைப்பூச்சுகள். நாம் இருப்பது பூலோகமா? அல்லது தேவலோகமா? என்று ஐயப்பட வைக்கின்றன. கடைகளில் Escalators (மின்சாரத்தினால் இயங்கும் ஏணிப்படிகள்) என்ற கருவிகள் அமைத்திருக்கின்றனர்.

இன்று மாலை Essex என்ற இடத்தில் இருக்கும் டாக்டர் நவரத்னம் என்பவரின் இல்லத்தில் இங்கிருக்கும் சைவ முன்னேற்றச் சங்கத்தினர் குருஜி அவர்களின் பஜனைக்கு ஏற்பாடு செய்திருந்தனர்.

குருஜி அவர்கள் இன்று திருப்புகழ் பஜனையாக வைத்துக் கொள்ளாமல், சங்கீத உபன்யாசமாக மாற்றிக் கொண்டார். இரவு நேரத்திலும் பல வர்ண விளக்குகளுடன் இலண்டன் மாநகரம் பொலிவுடன் விளங்கிற்று.

இன்றைய நாள் குருஜியின் வாழ் நாட்களில் மறக்க முடியாத ஒரு நாளாகும். பி.பி.சி (B.B.C.) குருஜி அவர்களை அழைத்து நேர்முக பேட்டி நிகழ்ச்சி ஒன்றை நடத்தி கௌரவித்தது.

இரவு திரு. வெங்கட்டராமன் இல்லமடைந்து அங்கு ஒன்றரை மணி நேரம் திருப்புகழ் பஜனை செய்தோம். டில்லியில் நாம் வழக்கமாக நடத்தும் திருப்புகழ் பஜனை போன்று நடந்த பஜனை இதுவே.

இன்று காலை சாப்பாட்டை முடித்துக் கொண்டு விமானக் கூடம் செல்ல ஆயத்தமானோம். பகல் 12 மணிக்கு விமானக் கூடம் அடைந்தோம். வழியனுப்ப வந்தவர்களிடம் விடை பெற்றுச் சென்றோம்.

குருஜியின் இந்த இலண்டன் விஜயம் திருப்புகழ் அன்பர்களுக்குப் பெருமை தேடித் தருகின்ற வகையில் அமோகமான வெற்றி விஜயமாக அமைந்தது. வாழ்க திருப்புகழ்! வாழ்க திருப்புகழ் அன்பர்கள்!